Atlantsflog fer ikki at krevja koppsetingarprógv

Atlantic Airways fer ikki av sínum eintingum at krevja, at ferðafólk skulu hava eitt koppsetingarprógv. Tað sigur Jóhanna á Bergi, stjóri í flogfelagnum. Atlantic Airways vil hava altjóða loysnir.

Altjóði loftferðslustovnurin, IATA, sum føroyska flogfelagið er limur í, arbeiðir í løtuni við at gera eitt talgilt heilsu-pass, sum tey nevna "IATA Travel Pass Initiative."

Men stjórin í Atlantic Airways kennir ikki til smálutirnar í ætlanini enn.