Ákærd fyri at bróta lógina um marknaðarføring

Ein kvinna skal í morgin á ákærubonkin í Føroya rætti fyri brot á lógina um marknaðarføring.

Tá hon skifti starv, tók hon upplýsingar um sáttmálar og kundar við sær, so hon kundi brúka tær til at kappast ímóti fyrrverandi arbeiðsgevaranum.

Kvinnan er ákærd fyri at hava stolið upplýsingar frá arbeiðsgevaranum. Hon er eisini ákærd fyri herverk.

– Hetta er álvarsamt brot, sigur Mads Strandberg Petersen, sum er fulltrúi hjá ákæruvaldinum.