Ov leingi at bíða eftir útgreining

Bíðitíðin til Barna- og ungdómspsykiatriina er í løtuni eitt ár.

- Tað er ikki nøktandi og ein avbjóðing, vit skulu taka í álvara, sigur Kaj Leo Holm Johannesen, landsstýrismaður í heilsumálum.

Hann sigur, at skal bíðitíðin styttast, er neyðugt við samstarvi millum tilboðini til børn og ung.

Í fjør vóru 306 ávísingar til útgreiningar á Barna- og ungdómspsykiatriini. Í 2018 var talið 142.