Visti einki um umbønina um koppseting

Jenis av Rana, landsstýrismaður, visti einki um, at uttanríkis- og mentamálaráðið hevði vent sær skrivliga til koppsetingarbólkin við umbøn um, at sendifólk verða koppsett, fyrr enn hann frætti tað í útvarpstíðindunum á middegi í gjár.

Jenis av Rana sigur, at hann hevur ikki verið við í viðgerðini, ella verið við at senda skrivið til landslæknan, sum er formaður í koppsetingarbólkinum.

– Fleiri onnur enn sendifólk hava brúk fyri at verða koppsett, sigur hann.