Manningarfeløgini verða vanvird

Tað er ein vanvirðing av manningarfeløgunum, at tey ikki vóru við í arbeiðsbólkinum, sum hevur skrivað uppskotið um tilfeingisgjøld.

Tað sigur Annfinnur Garðalíð, formaður í Føroya Skipara- og navigatørfelag.

Uppskotið fer nú til hoyringar og manningarfeløgini verða hoyringarpartar.

 Men tað er ikki nóg mikið, sigur Annfinnur Garðalíð, tí nú er alt ov langt útliðið, og hoyringartíðin er ov stutt.