Steintóra er nú virkandi sóknarprestur

Sunnudagin 18. apríl, varð Steintóra Gleðisheygg Joensen skipað í embæti sum virkandi sóknarprestur í Suðurstreymoyar Vestara Pestagjaldi. Talan er um eitt avloysarastarv tíðarskeiðið 15. apríl – 31. juli 2021 fyri Hera Joensen prest, sum er i farloyvi.

Í tí sambandi var Steintóra beinleiðis gestur í vikuskiftissendingin, har hon greiddi frá tilgongdini at verða sett í starv, umframt hvussu hon hevur upplivað fyrstu fimm dagarnar í starvinum.

Steintóra fór at lesa gudfrøði við Lærda Háskúlan í Keypmannahavn í 2012, og í fjør summar varð hon liðug at lesa. Samanlagt hevur hon lisið gudfrøði í átta ár.

– Man kann ikki lesa til at verða prestur, sigur Steintóra, tí tær royndirnar fær man bara við at vera í starvinum, sigur hon. Steintóra hevur annars eitt skifti starvast í Kringvarpinum til 2011, har hon gjørdi sendingina 15 tær bestu.

Mynd: Leivur Thomsen