Í kvøld verður náttarkirkja í Havnar kirkju

Náttarkirkja er eitt nógv brúkt konsept í norðanlondunum, og nú verður hetta eisini eitt tilboð í Havnar kirkju. Áður er hetta roynt í Kollafjarðar kirkju, har ið tað hevur verið væl vitjað.

Skráin fyri kvøldið í Havnar kirkju sær soleiðis út: Klokkan 21 er kvirra, klokkan 21:30 spælur Jens L. Thomsen elektroniskan tónleik, klokkan 22 verður altargongd, síðani endar Jens L. Thomsen sína framførsla, og eftir tað verður kvirra til klokkan 23. Til ber eisini at skriva eina bøn úti í gongini, sum verður lisin upp anonymt, eins og tú kanst tendra eitt ljós fyri onkrum. sum tú hugsar um.

Talan er um eitt friðarligt kirkjukvøld uttan felagssang og prædiku. Tónleikurin, ið verður spældur, er friðarligur, og til ber at hugsavna seg og fáa pulsin niður, siga Anne Mette Greve Klemensen og Steintóra Gleðisheygg Joensen.

Í heyst og í vetur verður náttarkirkja í Havnar kirkju fyrsta fríggjakvøld í hvørjum mánað.

Tú kanst hoyra samrøðuna við Anne Mette Greve Klemensen og Steintóru Gleðisheygg Joensen her: