Føroyar áttu at brúkt 600 mió. kr. til gransking

11.08.2021 - 15:51
InnlendisTøkni
Føroyar áttu at brúkt 600 mió. kr. til gransking
Ein størri íløga í gransking og menning hevði gjørt Føroyar meira kappingarførar og skapt fleiri vitanartungar vinnur, sigur formaðurin í faknevndini

Føroyar eiga at gera nógv størri íløgu í gransking og stuðul, tí granskingarstuðulin, sum er 7,5 mió. kr., er alt ov lítil.

Tað sigur Bogi Bech Jensen, sum er formaður í nýggju faknevndini, sum í dag lat stuðul til gransking fyri fyrstu ferð.

10 verkætlanir fingu stuðul.

Størsti stuðulin hesaferð er 1,1 millión og tann minsti 350.000 kr.

Onnur framkomin lond brúka umleiða trý prosent av BTÚ (bruttotjóðarúrtøkuni) til gransking og menning, og tí skuldi føroyski granskingarstuðulin verið 600 milliónir krónur, sigur Bogi Bech Jensen.

Hann hevur tó sett nøsina upp ímóti 50 milliónum fyri fyrst. 

Størsti stuðulin hesaferð er 1,l millión og tann minsti 350.000 kr.

- Sum heild eru umsøkjararnir væl skikkaðir, og umsóknirnar væl grundaðar.

Tí kundu fleiri fingið stuðul, um pengar vóru til tess.

Fyri at varðveita okkara kappingarføri sum land, er umráðandi, at vit gera íløgur í gransking. 

Tí er mín vón, at gransking fær hægri raðfesting komandi árini, sigur Bogi Bech Jensen.

 
Er kopiera

Tak niður

Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584