Vil hava at vita, hvussu peningurin verður brúktur

Kaj Leo Holm Johannesen, landsstýrismaður, vil vita, hvat er komið burtur úr øktu játtanini til Psykiatriska depilin seinastu tvey árini.

Sambært landsstýrismaðurin í heilsumálum, vóru játtanirnar á fíggjarlógini gjørdar fyri at raðfesta útgreining av ADHD hægri.

Kaj Leo Holm Johannesen hevur biðið leiðsluna í Sjúkrahúsverkinum greiða frá, hvussu peningurin verður brúktur.

Í løtuni er bíðitíðin umleið hálvtannað ár at sleppa til útgreining fyri millum annað ADHD.

Súsanna Reinert Petersen, serlækni í barna- og ungdómspsykiatri, segði í Degi og Viku í gjárkvøldið, at tey fáa fleiri ávísingar, enn tey hava orku til at útgreina.

Súsanna Reinert Petersen