Føroyingur í Kongsberg: Øll eru skelkað

Tað kom óvart á øll í norska býnum Kongsberg, at ein atsókn kundi vera framd í býnum.

- Vit eru skelkað, sigur Berit Fonsdal úr Vestmanna, sum hevur búð í Kongsberg meginpartin av lívinum.

Hon sigur, at støðan minnir ikki sørt um 22. juli í 2011, tá hópdrápsmaðurin, Anders Behring Breivik, drap fólk frá hond bæði í Oslo og á Utøya.

Fýra kvinnur og ein maður millum 50 og 70 ár doyðu, tá maðurin fór at skjóta við boga og píli í Kongsberg í gjár.

Tvey fólk eru særd.

Maðurin, sum er tikin og skuldsettur í málinum, er ein 37 ára gamal danskur ríkisborgari.

Hoyr Berit Fonsdal greiða frá í útvarpstíðindunum.

Kongsberg - Mynd: RitzauScanpix