Øll vóru dripin innandura

Tey fimm fólkini, sum í fyrrakvøldið vórðu dripin í Kongsberg í Noregi, vóru øll dripin innandura.

Tað upplýsir norska løgreglan fyri Verdens Gang.

- Fólkini eru deyð innandura í íbúðum. Vit hava ikki fingið greiðu á, um talan var um egnar íbúðir, ella aðrar bústaðir.

Tey vóru ikki dripin í nøkrum handli, upplýsir Ann Iren Svane Mathiassen, ákæri.

Fimm fólk doyðu

Fyrstu tíðina varð nógv tosað um ein matvøruhandil í Kongsberg, sum álopsmaðurin skuldi hava víðgirt seg, men tað var ikki har, at fólkini vóru dripin, upplýsir løgreglan.

Fimm fólk lógu eftirá í atsóknini, og trý vórðu særd, upplýsir løgreglan nú.

Seinnapartin í gjár kunngjørdi norska løgreglan eisini, at málið í Kongsberg verður mett sum eitt yvirgangsálop, og verður kannað sum eitt slíkt mál.