Koronudeildin verður niðurløgd

Koronudeildin á Landssjúkrahúsinum verður nú niðurløgd.

Tá koronufarsóttin tók seg upp, var ein serlig koronudeild skipað fyri ikki at órógva vanliga virksemið á Landssjúkrahúsinum, og lonir vóru settar upp á sjúkrahúsøkinum.

Men tørvur er ikki longur á at hava koronudeild á henda hátt, sigur Steinar Eirikstoft, forstjóri í Sjúkrahúsverkinum.

Starvsfólkini á deildini hava verið knýtt at einari medisinskari deild.

Á eykajáttanarlógini, sum er løgd fyri tingið, verður biðið um eina hálva millión krónur at rigga av og avhenda lonirnar, sum hýstu koronudeildini.

Hoyr innslag í útvarpstíðindunum.