Ætlar at vera sjónligur í stjórastarvinum

Ben Arabo er settur sum nýggjur stjóri í Framtaki

Hann skal standa á odda fyri grunninum, sum eitt nú eigur í granskingarstovninum Inova, P/F Skansa Offshore og Guðrun & Guðrun.

Ben Arabo er búskaparfrøðingur og hevur nógvar ymsar leiðsluroyndir, bæði í Føroyum og uttanlands.

Hann tekur við starvinum mánadagin, 1. november eftir Niels Dann West, sum leggur frá sær fyri aldur.

Niels Dann West hevur verið stjóri, síðani Framtak var sett á stovn í 1994.

Ben Arabo sigur, at hann ætlar at vera sjónligur í stjórastarvinum í Framtaki.

Hoyr samrøðu, sum Sigmar Bláberg gjørdi við Ben Arabo í útvarpstíðindunum.