Framtak góðar 14 milliónir í vinningi í fjør

Framtak hevði 14,1 millión í vinningi eftir skatt í fjør.

Hetta er nevndin væl nøgd við. 

Framtak gjørdi nýggjar íløgur í eitt felag í fjør. Tvey feløg, sum Framtak átti, vóru samanløgd.

Eitt felag var selt, og eitt var tikið av í fjør.

Eginognin var 79,2 mió. krónur við ársenda 2023. Fíggjarstøðan javnvigaði við 117,5 mió.kr.

Framtak leggur seg eftir at gera íløgur á hvørjum ári fyri í minsta lagi 10 milliónir krónur. 

Útlitini eru góð í ár

Hetta eydnaðist ikki í fjør, men útlitini fyri 2024 eru góð.

Leiðslan væntar at gera íløgur fyri meira enn 10 milliónir í ár.

Framtak kann tekna partapening og veita ábyrgdarlán.

Ben Arabo er stjóri í Framtaki.

Í nevndini eru Christian Danielsen, formaður, Rúnar Reistrup, næstformaður, Kristine Ellingsgaard, Guðrið Højgaard og Marita Rasmussen.

Framtak hevur partapening í og ella lænt 19 fyritøkum pengar.