Tummas í Garði: "Tey flestu, ið verða innløgd, eru ókoppsett"

15.12.2021 - 11:54

Innlendis›Heilsa

Tummas í Garði: "Tey flestu, ið verða innløgd, eru ókoppsett"

Helmingurin av teimum, ið hava verið innløgd á koronudeildini á Landssjúkrahúsinum seinastu tveir mánaðirnar, hava ikki verið koppsett, váttar varastjórin í Sjúkrahúsverkinum

Sára Jógvansdóttir

0 seconds of 0 secondsVolume 90%

00:00

Mynd: Bjarni Árting Rubeksen

Allar summarmánaðirnar var eingin innlagdur á koronudeildini.

Men tá smittan tók dik á seg aftur í heyst, var fyrsta innleggingin aftur.

Síðani tá, tann 19. oktober, hava 26 fólk verið innløgd á koronudeildini samanlagt.

Koronudeildin á Landssjúkrahúsinum

12 av hesum 26 vóru ókoppsett, sum svarar til 46 prosent.

Frammanundan eru at kalla bara eldri við øðrum heilsutrupulleikum vorðin innløgd eftir covid-19 smittu, men líkt er til, at hetta er broytt. Av teimum 26, sum hava verið innløgd seinastu tveir mánaðirnar, eru 11 teirra undir 70 ár. 9 av hesum 11 vóru ikki koppsett, sum svarar til 82 prosent.

90 prosent av føroyingum eldri enn 12 ár eru koppsett við tveimum prikum. Tey síðstu 10 prosentini, ið ikki eru koppsett, eru serliga í aldrinum 25 til 45 ár.