- Tíðindi, mentan og ítróttur
Løgmaður: Samgongan hevur ikki ein meirluta ímóti sær
28.12.2021 - 16:14
Innlendis›Politikkur
Løgmaður: Samgongan hevur ikki ein meirluta ímóti sær
Eingin endalig avgerð um lagnuna hjá samgonguni spurdist burtur úr kreppufundinum í samgonguni í dag. Løgmaður staðfestir tó, at samgongan ikki hevur ein meirluta ímóti sær
Bárður á Steig Nielsen, løgmaður og formaður í Sambandsflokkinum, og Jenis av Rana, landsstýrismaður og formaður í Miðflokkinum
Mynd: Bjarni Árting Rubekseni
Samgonguleiðararnir fara aftur á fund um politisku støðuna í morgin.
Tað segði Bárður á Steig Nielsen, løgmaður, tá kreppufundurin í dag varð niðurlagdur.
"Vit skulu hava greiðu á nøkrum málum hvør í sínum lagi, og so møtast vit aftur í morgin klokkan tvey," segði løgmaður.
Bárður á Steig Nielsen vildi ikki siga, hvørji mál talan var um.
Spurdur beinleiðis, um Føroyar hava eina samgongu í løtuni, svaraði løgmaður, at tað hava Føroyar.
"Samgongan er virkisfør og hevur ikki lagt frá sær. Vit eru gaman í nakað skerd viðvíkjandi landsstýrisfólkum, men samgongan hevur ikki ein meirluta ímóti sær."
Er kopiera
Sí eisini
Nýggjastu sendingar í ÚV
Mánadag 7. september
RagnarRokk: Sonny Lombardozzi um A Bleeding Tree Hanging Self Destruction
212039
Nýggjastu sendingar í SV
