Skúlin á Skúlatrøð fyrsti skúli at seta sálarfrøðing í starv

Sum fyrsti fólkaskúlin í landinum hevur Skúlin á Skúlatrøð í Klaksvík sett ein sálarfrøðing í starv.

Talan er um eina royndaætlan, sum hiegartil hevur hepnast væl, heldur skúlastjórin, Vagn Folbo.

Hann vónar, at skúlin fær játtan til at halda fram við verkætlanini, so tey við tíðini fara at síggja uppaftur betri úrslit av hesi tænastuni.

Skúlin á Skúlatrøð í Klaksvík hevur fleiri næmingar, sum hava lættari sálarligar trupulleikar at stríðast við.

Lærarar og heilsufrøðingar hjálpa dagliga næmingunum við ymskum avbjóðingum, men sálarfrøðingurin hevur ein serførleika á økinum, ið kann koma ávísum næmingum til góða.