Andstøðutingfólk: Stjóralønin í Posta stendur ikki mát við ábyrgdina

Stjóralønir í almennum partafeløgum var evnið í Breddanum í morgum, og har segði Bjørt Samuelsen í Tjóðveldi millum annað, at og tað átti at sæst aftur, tá ið alment sett starvsfólk í leiðsluuppgávum við stórari ábyrgd, fáa løn.

Bill Justinussen í Miðflokkinum heldur tað vera í lagi, at summar stjóralønirnar í almennum partafeløgum eru væl hægri enn aðrar...

Tá ið Henrik Old var landsstýrismaður í Samferðslumálum í 2018 var stjóraskifti í Vága Floghavn. Lønin hevði áður verið 90.000 krónur um mánaðin, men hann koyrdi hana niður í 60.000 krónur.

Bjarni Kárason Petersen í Framsókn vil hava, at stjóralønirnar í almennum partafeløgum skulu vera kappingarførar.

Bjarni og fleiri

Bakgrund

Joel undir Leitinum, stjóri í Posta, fekk eina lønarhækkan uppá 184.000 krónur í 2021. Tað sæst í roknskapinum hjá almenna partafelagnum, Posta.

Í 2020 var samlaða lønin hjá stjóranum í Posta 1.476.800 krónur. Men í 2021 fór lønin upp í 1.661.080 krónur. Altso ein lønarhækkan uppá 184.280 krónur ella 12,5 prosent.

Talan er um samlaðu lønina - tað vil siga løn og pensjón.

Samstundis eru samlaðu lønarútreiðslurnar hjá Posta lækkaðar úr knøppum 52,1 milliónum krónum í 2020 til knappar 51,3 milliónir krónur í 2021. Ein lækking uppá góð 2 prosent.

Posta hevði annars eitt rakstraravlop uppá 13 milliónir krónur og eitt úrslit áðrenn skatt uppá 3,4 milliónir krónur fyri roknskaparárið 2021. 

Samlaða sølan hjá Posta var 127 milliónir krónur, sum er mesta sølan síðani felagið gjørdist alment partafelag.

Joel undir Leitinum

Joel undir Leitinum, stjóri í Posta

BREDDIN um stjóralønirnar kann hoyrast HER.