10 vilja vera stjóri í Posta

10 umsóknir eru komnar til starvið sum stjóri í Posta.

Tað sigur Árni Ellefsen, nevndarformaður í Posta.

Freistin at søkja var úti mánadagin.

Nevndin fer nú at viðgera umsóknirnar, og miðað verður eftir at seta starvið skjótast gjørligt, sigur Árni Ellefsen.

Hans Jákup Langgaard fór úr starvinum sum stjóri í Posta 1. november í fjør. Síðani hevur Edvard Remberg verið fyribils stjóri.