Eingin skylda at boða frá eftirlitsavgerðum

08.07.2022 - 11:26
Innlendis
Eingin skylda at boða frá eftirlitsavgerðum
Einasti mátin, sum ein brúkari kann vita, um ein matstova hevur verið stongd av Heilsufrøðiligu Starvsstovuni, er við at søkja um alment innlit.
Fyrr í ár var matstovan NO12 stongd av Heilsufrøðiligu Starvsstovuni. Matstovan fylgdi boðunum og lat upp stutt eftir.

Heilsufrøðiliga Starvsstovan hevur eftirlit við umleið 200 veitarum av mati í Føroyum. Higartil í ár hevur eftirlitið verið á gátt hjá 43 veitarum. Av teimum eru tað fleiri, har eftirlitið hevur stongt virksemið á staðnum, tí mett hevur verið, at matvørutrygdin ikki er nøktandi.

Higartil í ár eru 5 til 6 matstøð stongd av vantandi matvørutrygd. Tað sigur Elma á Geilini Ortind, eftirlitsfólk á Matvørudeildini hjá Heilsufrøðiligu starvsstovuni.

- Um vit hyggja leystliga eftir tí, so eru tað nokk um 5-6 støð, sum eru stongd á staðnum við boðum um, at tað ikki ber til at lata upp aftur, fyrr enn ávís viðurskifti eru fingin í rætt lag, sigur Elma á Geilini Ortind. 

Matstovur vera einans stongdar, tá matvørutrygdin er í vanda og ikki kann garanterast. Tað, at matvørutrygdin er í vanda, merkir, at maturin er dálkaður, ella at kundin kann gerast sjúkur av matinum, millum annað um reinføri er ov vánaligt. 

- Tað er eitt sera ógvusligt inntriv, og tað verður einans tikið, tá tað verður mett neyðugt, sigur Elma á Geilini Ortind. 

Men einasti mátin, sum ein brúkari kann vita, um ein matstova hevur verið stongd av Heilsufrøðiligu Starvsstovuni, er við at søkja um alment innlit.

- Úrslitini av eftirlitskanningunum verða ikki almannakunngjørd. Tað hava vit hvørki heimild ella skyldu til at gera, sigur Elma á Geilini Ortind. 

 
Er kopiera
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592