Heilsufrøðiliga Starvsstovan ávarar móti Jelly Strip

Heilsufrøðiliga Starvsstovan ávarar nú ímóti góðgætinum Jelly Strip, sum er selt í føroyskum handlum.

Orsøkin, at góðgætið, sum inniheldur tilsetingarevnini E407, E410 og E415 verða afturkallað, er, at bommini hava eina tjúkt, sum ger, at øktur vandi er fyri, at børn kunnu seta bommini í hálsin.

- Hesi tilsetingarevni gera, at bommini kunnu seta seg fast í svølgið og smábørn kunnu tí vera í øktum vanda fyri at seta bommini í hálsin og kvalast, skrivar Heilsufrøðiliga Starvsstovan.

Mælt verður til, at borgarin beinir vøruna burtur ella letur hana aftur, haðani hon er keypt.