Javnstøðunevndin: Løgmaður heldur sjálvur ikki javnstøðulógina

Nógv fleiri menn enn kvinnur sita í teimum almennu nevndunum hjá Løgmannsskrivstovuni.

Og hetta er brot á javnstøðulógina, sigur Brandur Mortensen Nolsøe, skrivari í Javnstøðunevndini.

Bárður Nielsen, løgmaður, hevur biðið Jenis av Rana, mentamálaráharra, koma við eini frágreiðing um avgerðina at seta ein mann sum formann í Kringvarpstýrinum. Hetta hóast, at Javnstøðunevndin eisini hevur sent Løgmannsskrivstovuni eina áheitan um kynsbýtið í nevndunum undir løgmannsskrivstovuni.

ferðafólk, ferðavinna, turistar, visit Faroe Islands, Tinganes, Landstýrið,

Tað er tó ikki einans løgmansskrivstovan, sum ikki heldur javnstøðulógina.Tað er ein generellur trupulleiki.

Ringast stendur til hjá Fiskimálaráðnum, har 80 prosent menn og einanst 20 prosent kvinnur sita í nevndunum. Hinvegin eru 63 prosent menn og 37 prosent kvinnur í nevndunum hjá Løgmansskrivstovuni.

Sambært kanning hjá Javnsstøðu nevndini er kynsbýtið nógv meira ójavnt í 25 teimum størstu privatu fyritøkunum. Og hesar eru ikki umfataðar av javnstøðunevndini.

* Upprunaliga varð skrivað og sagt, at Løgmansskrivstovan hevur fingið skrivliga átalu frá Javnstøðunevndini. Hetta er ikki rætt. Løgmansskrivstovan hevur fingið skrivliga áheitan frá Javnstøðunevndini. Teksturin er rættaður í greinini. Haldið okkum til góðar fyri mistakið.