- Tíðindi, mentan og ítróttur
Skulu framelska dygdirnar hjá einstaka næminginum
– Orsøkin kann vera, at stór krøv verða sett til børnini, millum annað í sambandi við landsroyndir og Pisa-royndir, sigur javnaðartingmaðurin, Jóhannis Joensen, ið vil hava Jenis av Rana, landsstýrismann í mentamálum, at svara nøkrum spurningum um hesar royndir.
– Spurningurin er, um vit brúka pengarnar rætt, og um úrslitini gagna næmingunum. Fólkaskúlin skal hugsað meir um at framelska dygdirnar hjá hvørjum einstakum næmingi, sigur hann.
Í fyrispurninginum spyr Jóhannis Joensen millum annað spurt um kostnaðin av lands- og Pisa-royndunum, hvussu úrslitini av teimum verða brúkt og hvørjar afturmeldingar eru.
Í viðmerkingunum til fyrispurningin sigur tingmaðurin, at samstundis sum hesar royndir eru á hvørjum ári, er veruleikin, at nógv børn hava avbjóðingar við sálarheilsuni.
Tak niður