Eingin orsøk at óttast al-Qaeda hóttanina í Føroyum

PET og fregnartænastan hjá donsku verjuni, FE, taka hóttanina móti Danmark frá al-Qaeda í sambandi við koroubrenningarnar í størsta álvara.

Tað er ein krígsavbjóðing, halda PET og fregnartænastan hjá donsku verjuni. 

Men i Føroyum er ikki neyðugt at vera bangin, staðfestir Steen Nørskov, sjefpolitiinspektørur. 

"Vit fylgja leiðbeiningunum, sum vit fáa, og halda neyvt eyga við støðuni." 

Steen Nørskov sigur, at vit í Føroyum skulu halda á við gerandisdegnum sum vant.

PET, Politiets Efterretnings Tjeneste

PET vil ikki gera samrøðu við útvarpið, men vísir á almennu kunningina á heimasíðuni hjá teimum

Har stendur at lesa, at hóttaninar móti Danmark verða tiknar í størsta álvara.

Somuleiðis stendur, at FE og PET, sum er danska fregnartænastan, fylgja støðuni gjølla og gera tey trygdarátøk, sum tey meta vera neyðug.