Blokkurin skal nýtast til Suðuroyartunnilin

Tað sigur javnaðarmaðurin Henrik Old, sum ikki tekur undir við at minkað blokkstuðulin.

Hann vil ístaðin, at pengarnir verða settir í grunn at fíggja ein Suðuroyartunnil.

Við útvarpsstøðina FM1 segði Henrik Old í dag, at hann tekur ikki undir við tí, sum hansara egna samgonga hevur gjørt til veruleika, nevniliga at skerja blokkin.

Hann heldur, at pengarnir vóru munandi betri nýttir, um teir vórðu settir í grunn, og so høvdu teir kunna fíggjað ein stóran part av tí, sum ein Suðuroyartunnil hevði kostað.

Í sendingini Jóhanudagar í Vági, segði Henrik Old soleiðis við Petur Zachariasen.

Alt prátið við Henrik Old á FM1 kann hoyrast her.