Lógaruppskot um Suðuroyartunnilin kemur í næstum

Í vár verður settur ein politiskan fylgibólkur, sum skal fáa kunning um arbeiðið at fyrireika Suðuroyartunnilin.

Tá avgerðin nærkast um Suðuroyartunnilin, vera politiskar samráðingar um hana, sigur løgmaður við fíggjarnevndina hjá løgtinginum.

Miðað verður eftir, at neyðugu kanningarnar eru lidnar næsta ár. Tá kann avgerðin takast.

Lógin kemur í næstum

Løgmaður sigur, at uppskot um lóg um partafelagið Suðuroyartunnil verður lagt fyri løgtingið í næstum.

Sambært tí skal felagið fáa atgongd til tilfar og kanningar hjá Landsverki.

Biðið verður um 10 mió. kr. í ár og 10 milliónir næsta ár, so forkanningarnar kunnu gerast lidnar.