Jens Rói og Cecilia: Tvøroyri er gott, men kundi verið betri

Grannalagið er gott og børnini hava nógv vinfólk í nærumhvørvinum. Tað siga Cecilia Nolsøe Sørensen og Jens Rói Sørensen, sum búgva í Trongisvági.

Tey eru eisini væl nøgd við fleiri av tilboðunum í økinum, so sum nýggja biografin í SALT, tiltakið Suðurljóð og at allir borgarar í Tvøroyrar kommunu kunnu svimja ókeypis í svimjihylinum á Tvøroyri.

Men Jens Rói fýlist eisini á, at nógvastaðni eru ongar gongubreytir, og at vegakervið ikki verður dagført við atliti at gangandi ferðslu. Og bæði sakna tey sum barnafamilja eitt innandura spælipláss. Eisini heldur Jens Rói, at Suðuroyartunnilin er avgerandi fyri framtíðina í Suðuroy.

Cecilia saknar eitt nú tað brimbardu náttúruna og fugla- og djóraljóðini í Froðba, sum við høvuðsvegin í Trongisvági eru skift út við óljóðið av millum annað tungari ferðslu. Eisini kundi hon hugsa sær ein betri skipaðan miðbý, har ið tað eitt nú bar til at ganga betri vard fyri veður og vind.

Tú kanst hoyra samrøðuna við Jens Róa Sørensen og Ceciliu Nolsøe Sørensen í fullari longd her!