Fyri stuttum var hátíðarhald í Svimjihøllini í Gundadali fyri listini til nýggja landhylin. Samanlagt eru 240-250 fermetrar av veggi listprýddir.

Silja Strøm hevur listprýtt veggirnar við nýggja langhylin og Bárður Dal Christiansen hevur listprýtt Gundadalsstovu, sum er høli omanfyri langhylin.

Silja Strøm hevur brúkt sera nógvar tímar sum svimjari í svimjihøllini í Gundadali, og listaverk hennara tekur tí støði í hesum minnum og sansaupplivingum. Vit tosa við hana um svimjihøllina, vatnkenslu og listina.

Listaverkið hjá Bárði Dal Christiansen hevur heitið Spegil, og tekur støði í, hvussu vit siga okkara søgu og spegla okkum í henni. Vit hitta hann í svimjihøllini.

Á bókadøgum kom eitt serstakt bókaverk út. Talan er um "Føroysk málsøga", sum er fyrsta stóra verkið um føroyska málsøgu.
Vit tosa við Hjalmar P. Petersen, professara í málvísindum á Fróðskaparsetri Føroya um bókaverkið.