Í annaðkvøld kl. 19 skipa Uttanríkis- og mentamálaráðið, Tjóðsavnið og Landsverk fyri kunningarfundi í auluni í gamla studentaskúlabygninginum um ætlanina at lata Tjóðsavnið flyta í Hoydalar. 
Vit tosa við Herleif Hammer, stjóra á Tjóðsavninum og Bárð í Baiansstovu, arkitekt hjá Landsverki um ætlanina.

Í ár eru 250 ár síðani at bretski rithøvundurin Jane Austen, sum eitt nú er kend fyri bókina Pride and Prejudice, varð borin í heim. Tað verður hátíðarhildið kring heimin serliga í Onglandi, men eisini í Føroyum. Tí á bókasavninum í Fuglafirði hava tey fleiri tiltøk á skránni um Jane Austen. Í Fuglafirði gera tey eisini nógv burturúr í desembermánaða - so nógv, at tey hava ein desemberkalendara. Vit vitja á jólaskrýdda bókasavninum og í Riberhúsi har vit tosa við Sjannu Hentze, bókavørð, og Kristinu Gry Berg, leiðara í kunningarstovuni, um Janes Austen og jólatiltøkini í Fuglafirði.