- Tíðindi, mentan og ítróttur
Kultura
Í hesi sending umrøða vit fyrsta, stóra nýgbygda hotellið í Klaksvík KG, sum letur upp í summar.
Vit spyrja millum annað hvørjar hentleikar hotellið hevur, og hvørja ávirkan tað kann hava á býar- og mentanarlív í Klaksvík.
Vit tosa við Jan Petersen, stjóra Christian í Grótinum, sum byggir hotellið og Johannes Jensen stjóra í Gist og vist, sum skal reka tað.
Ein av stuttfilmunum, sum er úttikin til Geytan er, poetiski filmurin Áin. Hvussu sameinir mann yrking, livandi myndir og ljóð - og hvussu kann ein á lýsa okkara kropp og sinn? Vit tosa við Kim Simonsen og Thomas Koba, sum saman við Heðin Ziska Davidsen hava gjørt filmin.
Og so vitja vit Mariannu Winther, sum er í upptøkuhølunum í løtuni - hon kemur við mentanarviðmælinum hesa vikuna.
Kultura
Kultura er mentanarsending, sum viðger aktuel mentanarlig tiltøk og evni. Eisini seta vit evnir á breddan, ið vit halda treingja til viðgerð. Vit lata mentanina upp við hjartanum og viðgera mentanarrák við eldhuga, grundan og perspektivering.
Lagt til rættis: Lív Mikkelsen.
Eyðkennismerki: Høgni Egholm Magnussen.
