- Tíðindi, mentan og ítróttur
Kultura
Føroyska stuttfilmskappingin Geytin er leygardagin. Ein av tilnevndu filmunum er "Sansa", sum Anna Joensen Næs hevur leikstjórnað. Við filminum kannar hon sansaleysan og brotnan kærleika. Vit hava fingið orðið á hana um film og kærleika.
Danski rithøvundurin Sidse Laugesen er nakað so sjáldsamt sum eitt útlendskt kinesiskt skald. Hon er eisini ein av heilt fáum umsetarum, ið týða millum danskt og kinesiskt. Hesa vikuna er Sidse Laugesen eitt av útlendsku nøvnunum á "Føroyska bókmentafestivalinum" (Faroe Islands Literature Festival), ið byrjar í dag. Vit tosa við hana um yrking, sambandið til Kina og um kinesiskan skaldskap.
Og so kemur Marjun Niclasen við einum fjølbroyttum mentanarviðmæli.
Kultura
Kultura er mentanarsending, sum viðger aktuel mentanarlig tiltøk og evni. Eisini seta vit evnir á breddan, ið vit halda treingja til viðgerð. Vit lata mentanina upp við hjartanum og viðgera mentanarrák við eldhuga, grundan og perspektivering.
Lagt til rættis: Lív Mikkelsen.
Eyðkennismerki: Høgni Egholm Magnussen.
