Fáa ikki arbeiðsfólk

Nýggjastu tølini frá Hagstovuni vísa, at nú er arbeiðsloysið bara 0,8 prosent, 0,1 prosent minni enn í september.

Sambært heimasíðuni hjá ALS fáa 180 fólk í løtuni stuðul, tí tey eru arbeiðsleys.

Støðan ger. at fyritøkur sum t.d. Magn eru um at hokna undir trýstinum, tí eingin arbeiðsmegi fæst.

Hendrik Egholm, forstjóri í Magn, greiðir frá støðuni í Degi og Viku í kvøld. 

Vinnuhúsið sigur, at støðan rakar allar vinnur í landinum.

Marita Rasmussen, stjóri í Vinnuhúsinum, verður gestur í sjónvarpsstovuni í kvøld.