Nólsoyarstova er seld

Eini hjún í Tórshavnar kommunu hava keypt Nólsoyarstovu í Gongini í Havn.

Húsini eru illa farin, og skulu tí umvælast fyrst.

Keyparin hevur ætlanir við húsunum, men vil ikki avdúka tær enn.

Bygd í 1780

Húsini eru søgulig. Tey eru bygd í 1780.

Grundøkið er 236 fermetrar stórt, og búviddin er 422 fermetrar. Tríggjar hæddir eru umframt kjallari. 

Keyparin vil ikki siga, hvussu nógv, Nólsoyarstova er keypt fyri.

Men uppskotið um prís var sjey milliónir krónur, skrivaði in.fo, tá húsini vórðu lýst til sølu í august í fjør.

Navnið Nólsoyarstova stavar frá Jákupi Nolsøe, sum var handilsforvaltari í Havn og beiggi Nólsoyar Páll.