Effo: Vit hava ikki ábyrgd av oljulekanum

Janus Thomsen, stjóri í Effo, vísir aftur, at Effo hevur ábyrgd av oljulekanum í Froðba fyri tveimum árum síðani.

Málið endar nú í rættinum.

Janus Thomsen sigur, at málið er tikið í størsta álvara, men mannagongdirnar eru ikki broyttar.

1800 litrar av olju fóru í lendið, tá brennievni var latið í tangan við tyrlupallin í Froðba í januar 2018.

Bæði skulu hava bót

Ákæruvaldið krevur, at bæði Effo og Landsverk verða dømd at gjalda bót fyri brot á umhvørvisverndarlógina, og at bæði Effo og Landsverk hava ábyrgdina av oljulekanum.

Tann, sum eigur lendið, ið varð dálkað, krevur endurgjald, og Tvøroyrar kommuna vil eisini hava endurgjald fyri uppruddingarrbeiði.

Meira verður at frætta í útvarpstíðindunum klokkan 18.