Huawei sleppur at menna 5G í Bretlandi

Huawei sleppur at menna 5G í Bretlandi
Felagið skal kannast væl og virðiliga, og Huawei sleppur ikki at veita meira enn 35 prosent av tøknini
 
28.01.2020 - 14:38

Kinesiska telefelagið, Huawei, sleppur at vera við til at menna 5G-netið í Bretlandi.

Tað boðaði Boris Johnson, forsætisráðharri, frá, eftir at hann fyrrapartin hevði verið á fundi í landsins trygdarráði

Tað fylgja kortini treytir við.

M.a. skal felagið kannast væl og virðiliga, eins og øll hini feløgini, sum liggja framvið, og Huawei sleppur ikki at veita meir enn 35 prosent av tøknini til 5G í Bretlandi.

Gera ímóti USA

Sostatt ger bretska stjórnin ímóti amerikanska viljanum, um at halda Huawei burtur frá allari útbygging av 5G-netinum.

USA sigur, at Huawei er í lummanum á kinesisku stjórnini, sum nýtir útbúnaðin til m.a. njósning.

Norski professarin, Olav Lysne, sum hevur skrivað eina bók um viðurskiftini hjá Huawei, sigur, at lond eiga ikki gleivbeint at taka ímóti tøkni frá nøkrum einstøkum felagi.

Hann heldur, at best er at gera, sum bretar nú gera, og keypa tøkni frá fleiri, sum selja útgerðina.


 

Er kopiera
Nýggjastu sendingar í SV
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520