Adelborg loysir fyrsta flagið

Adelborg loysir fyrsta flagið
Nýggja mentanarhúsið í Klaksvík skal eftir ætlan verða liðugt við ársenda í 2022
 
05.02.2020 - 14:13

Adelborg Linklett loysir fyrsta flagið, tá spakin verður settur í til byggingina av nýggjum mentanarhúsi í Klaksvík seinnapartin.

Adelborg Linklett er ímyndin av sjónleikarafelagnum í Klaksvík.

Signhild V. Johannesen, forkvinna í Grunninum Mentanarhúsið, sigur, at hetta er ein søguligur dagur, tí farið verður nú undir at byggja húsið, sum í framtíðini verður karmur um alskyns mentanarupplivingar.

- Mentanarhúsið fer at virka sum eitt savnandi stað fyri fjølbroytta virkseminum í býnum, sigur hon.

Glæsiligt hús

Mentanarhúsið verður eitt glæsiligt hús.

Stóra høllin, har leikir verða settir upp, kann hýsa 300 fólkum. Men tá borð verða sett upp til veitslur og onnur tiltøk, kann húsið taka meira enn 400 fólk.

Saman við nýggja miðbýnum, og ætlanini um at byggja nýtt hotell, er onki at ivast í, at lagt er upp til eina spennandi framtíð, skrivar Klaksvíkar kommuna.

Kostnaðurin er mettur til kr. 60 mill, og sambært tíðarætlanini skal bygningurin standa liðugur við ársenda 2022.


 

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565