Føroysk børn fáa undirvísing á Ríkissjúkrahúsinum

Mánadagin læt nýggjur skúli upp í Ríkissjúkrahúsinum í Keypmannahavn.

Har kunnu millum annað føroysk børn og ung fáa undirvísing.

Fimm lærarar, føroyskir, danskir og grønlendskir, undirvísa í Ríkissjúkrahúsinum.

Í skúlanum eru øll fólkaskúlans floksstig, tað er frá fyrsta til tíggjunda flokk.

Systkini hjá teimum, sum eru innløgd, kunnu eisini brúka skúlan. 

Fyrr hevði Ríkissjúkrahúsið tríggjar skúlastovur ymsa staðni í sjúkrahúsinum.

Tvær skúlastovur eru í nýggja skúlanum, sum er í forhøllini í Ríkissjúkrahúsinum.

Børn og ung, sum ikki eru før fyri at fara í skúlan, kunnu fáa undirvísing í sjúkrastovuni.