Laksalús: Støðan batnað, men ikki nóg góð

Støðan er batnað viðvíkjandi laksalús. Men hon er ikki nóg góð.

Tað segði landsstýrismaðurin í alimálum, Helgi Abrahamsen, tá hann setti aliráðstevnuna fríggjadagin.

Hann segði, at færri laksalýs eru nú, og minni heilivágur verður brúktur. 

Men støðan er ikki nóg góð, segði hann eisini, hóast lúsakunngerðin varð herd 1.august í fjør.

Helgi Abrahamsen ásannaði, at myndugleikarnir seta krøv, sum eru bæði dýr og torfør at halda. Men sum frá líður lønar tað seg at halda krøvini, segði hann.