Lættari at fáa innlit í føroysk mál

Skjótt verður lættari at fáa innlit í føroysk mál hjá ríkismyndugleikunum í Føroyum.

Tað er í øllum førum ætlanin við ríkislógartilmælinum, sum skal gera fyrisitingarlógina hjá ríkismyndugleikunum í Føroyum meira tíðarhóskandi.  

Løgmaður, sum hevur latið løgtinginum ríkislógartilmælið, sigur, at millum annað reglan um meirinnlit kemur í lógina.

Talgilt samskifti

Reglur kunnu gerast um, at samskifti við ríkismyndugleikar kann vera talgilt. Og ásett verður, at skjøl frá einum myndugleika í avgerðarmálum skulu hava eina undirskrift, sum tryggjar eintýdda eyðmerking av tí, sum sendir skjalið.

Innlit í revsimál kemur í nýggju lógini um rættargang, sum kemur í gildi 1.januar næsta ár.   

Galdandi fyristingarlóg fyri ríkismyndugleikar í Føroyum er frá 1994. Hon er broytt einaferð. Tað var í 1999.