Negativar corona-royndir

Í gjár kom fram, at enn ein føroyingur var raktur av smittuni, og í tí sambandi vórðu fólk, sum viðkomandi hevði verið í samband við, kannaði.

Tað vórðu umleið 30 royndir gjørdar og allar vórðu negativar upplýsir landslæknin.

Eftir at tveir tilburðir eru staðfestir, sita 32 føroyingar í sóttarhaldi. Níggju sita á Hotel Vágum og 23 sita heima við hús.