Kenny Rogers deyður

Kenny Rogers, sum hevur havt veika heilsu í longri tíð, doyði av natúrligum ávum, skriva fleiri amerikanskir miðlar.

Kenny Rogers var virkin tónleikari í meiri enn 60 ár, vann tríggjar Grammy-virðislønir og var í uppskoti 19 ferðir. Millum sangirnar, hann vann eina Grammy-virðisløn fyri, var The Gambler í 1978.

Rogers royndi seg eisini sum sjónleikari og hevði egið plátufelag. Hann var giftur Wandu Miller og hevði fimm børn, nú hann legði árarnar inn 81 ára gamal.