Labour nýggjan formann

Bretski Labourflokkurin hevur fingið nýggjan formann. Talan er um 57 ára gamla advokatin, Keir Starmer. 

Undanfarni formaðurin Jeremy Corbyn, kunngjørdi eftir ósigurin á bretska valinum í desember í fjør, at hann fór at leggja frá sær sum formaður fyri Labourflokkin. Nú er so greitt at tað er Keir Starmer, sum er nýggjur formaður í flokkinum. Hann fekk 56,2% av atkvøðunum.

Keir Starmer segði í dag við bretsku tíðindastovuna BBC, at hann fer á fund við bretska forsætisráðharran, Boris Johnson, í næstu viku. Teir skulu á fundinum kjakast um koronakreppuna, og hvussu Bretland sum frægast kann koma burturúr kreppuni.