Eingin nýggjur koronatilburður

Nú er ein vika farin, uttan at koronasmittan er staðfest í Føroyum.

5.602 fólk eru kannað, og 184 eru smittað.

Tann seinasti tilburðurin varð staðfestur 6.apríl, upplýsir landslæknaembætið í morgun.

Bert 21 sjúk í løtuni

163 fólk eru blivin frísk aftur. 21 fólk eru tí sjúk enn.

Eingin er innlagdur.

6.apríl vóru 4.934 kanningar gjørdar. Síðani eru 668 kanningar gjørdar, og allar hava verið negativar.

102 fólk eru nú í sóttarhaldi, sambært heimasíðuni corona.fo.