Revsilógarmálini fækkað meir enn eina helvt

Revsilógarmálini fækkað meir enn eina helvt
Okkurt bendir á, føroyingar skikka sær munandi betur enn fyrr
Revsilógarmálini eru seinastu 12 árini fækkað við meira enn einari helvt
 
21.04.2020 - 16:07

Antin skikka fólk sær betur nú, ella verða færri brotsverk fráboðað. Revsilógarmálini eru fækkað meir enn eina helvt seinastu 12 árini, úr 1.100 í 2007 til eini 500 í fjør. 

Minkingin er stór á flestu økjum, uttan viðvíkjandi siðamisbrotum, sum eru vorðin nøkur fleiri. Hetta vísa yvirlit um virksemið hjá løgregluni

Serliga eru málini um herverk færri nú. Tey plagdu at vera 400 um árið, men eru nú stívliga 100. Innbrot og stuldur eru eisini færri í yvirlitinum. Talið er farið úr 475 um árið niður í 150.

Fleiri siðamisbrot

Harðskapsmálini eru eisini færri, men ikki so nógv færri sum hini. Harðskapsmálini vóru 80 til 90 um árið fyrst í hesi øldini. Tey eru nú millum 70 og 80.

Men siðamisbrotini eru vorðin fleiri nú. Ein ábending um gongdina er, at tey vóru 21 í 2017 og 33 í 2019, skrivar Hagstovan, sum hevur kunngjørt tølini hjá løgregluni.

Eitt annað revsilógarøki við fáum fráboðanum er ónáðan og ærumeiðing, sum øll hesi 20 árini, sum farin eru av øldini, hevur ligið millum 30 og 60 mál árliga.

Er kopiera
Nýggjastu sendingar í ÚV
Fríggjadag 16. august
RagnarRokk: Juan Garcia um Toxic Grace
179292
Fríggjadag 16. august
Morgunlestur fríggjadagur 16. august 2024
179080
Hósdag 15. august
RagnarRokk 15.august 2024
177311
Hósdag 15. august
RagnarRokk: Titan Fox um König und Kaiser
177307
Nýggjastu sendingar í SV
Fríggjadag 16. august
Dagur og vika - teknmálstulkað
179277
Fríggjadag 16. august
Veðrið
179305
Mikudag 14. august
Dagur og vika - teknmálstulkað
179206
Týsdag 13. august
Eg noyðist at lurta
179189
Týsdag 13. august
Veðrið
179177