Landsstýrið onga ætlan um kravt sóttarhald

Enn er einki lógaruppskot er á veg um kravt sóttarhald hjá teimum, sum koma til landið.

Tað sigur Bárður á Steig Nielsen, løgmaður.

Kravið um kravt sóttarhald veksur. 

Undirskriftir verða savnaðar í løtuni undir yvirskriftini setið eina lóg í gildi, sum loyvir tvungnum sóttarhaldi, og avtakið familjuhaldið.

Tey trý fólkini, sum eru staðfest smittað í Føroyum síðani 6.apríl, eru øll komin til Føroya við flogfari.

Einki krav

Tey fáa tilmæli um at fara í sóttarhald, tá tey koma til Føroya, men tað er ikki eitt lógarkrav at fara í sóttarhald.

Og tað verður heldur ikki eitt krav, sambært løgmanni.

Christian Andreasen í Fólkaflokkinum, sum er í samgonguni, mælir landsstýrinum til at krevja sóttarhald.

Høgni Hoydal, formaður í Tjóðveldi, sigur, at Tjóðveldi hevur boðað landsstýrinum frá, at Tjóðveldi mælir til at hava kravt sóttarhald.