Nýggjur stjóri á Heilsuskúlanum

Jenis av Rana, landsstýrismaður, hevur í dag sett Vivie Kirke Davidsen í starvið sum skúlastjóri á Heilsuskúla Føroya frá 1. juni.

Vivie Kirke Davidsen er 43 ára gomul. Hon hevur útbúgving sum cand.scient í Human Nutrition frá universitetinum í Keypmannahavn og bachelor í lívfrøði á Fróðskaparsetrinum.

Vivie Kirke Davidsen hevur eisini tikið diplomútbúgving í leiðslu á Glasi.

Hon hevur starvast sjey ár á umhvørvisøkinum hjá Tórshavnar kommunu og seinastu trý árini á Umhvørvisstovuni.