Korona merktist í el-nýtsluni

Síðstu árini hevur vøksturin í el-nýtsluni ligið um 10 prosent í apríl, frá ári til ár, men soleiðis var ikki í apríl í ár, tá nýtslan bara vaks við 0,6 prosentum.

Minkaða virksemið í samfelagnum orsakað av koronatiltøkunum var at hóma í uppgerðini fyri mars, men er væl sjónligari í apríl, sigur SEV.

– Okkurt kundi týtt upp á, at vit byrjaðu eitt sindur seinni at arbeiða ella svóvu eitt sindur longri, sigur Heri Mortensen, deildarstjóri fyri framleiðsluna hjá SEV.

Hetta er tó ikki ein vísindalig staðfesting, men meira ein eygleiðing, sigur Heri Mortensen sambært heimasíðuni hjá SEV.