461.000 krónur goldnar í stuðli

Higartil eru goldnar 461.897 krónur í stuðli til fastar útreiðslur hjá vinnufyritøkum. Minsti stuðulin higartil er 4.421 krónur og tann størsti 77.890 krónur

Nógv tær flestu fyritøkurnar hava søkt, tí tær hava millum 60 og 100 prosent í tapi.

Ikki fæst at vita, hvør fær pengar úr landskassanum og, hvussu nógv, hvør fyritøka fær. Útvarpið hevur biðið um innlit, men TAKS hevur tagnarskyldu, er svarið haðani.