Fimm milliónir til veðurtænastu

Samgongan og Sjálvstýri taka ikki undir við uppskotinum um eykajáttanarlóg hjá Tjóðveldi, sum vil lata tríggjar millónir afturat í ár til føroyska veðurtænastu,

Føroyar yvirtóku veðrið í 2009. Veðurtænastan er hjá Vørn, sum fær fimm milliónir um árið til at røkja hana.

Eingin veðurfrøðingur í starvi

Eingin veðurfrøðingur er hjá Vørn, og tí keypa føroyingar millum annað veðurfrásagnir úr Danmark fyri næstan tvær milliónir krónur um árið.

Meirilutin í Fíggjarnevndini sigur, at vil samgongan uppraðfesta veðurtænastuna, skal tað gerast í fíggjarlógini fyri 2021.

Andstøðan í Fíggjarnevndini sigur, at veðurmenningarbólkurin, sum kom við frágreiðing í 2019, sigur, at tað kostar tríggjar milliónir krónur um árið at menna eina veruliga føroyska veðurtænastu.