Fult viðhald í málinum um Biskupstorg

Tað var í lagi, at Klaksvíkar kommuna í 2018 avgjørdi at brúka sjálvsognarstovnin "undir Kráarbrekku" at keypa handilshølini í veghæddini í Biskupstorgi, sum Bústaðir bygdu, og síðani at leiga hølini útaftur.

Tað hevur Kommunala eftirlitið nú staðfest.

Avgerð er loksins komin í málinum, og niðurstøðan er, at Klaksvíkar kommuna fær fult viðhald frá myndugleikunum, sigur Jógvan Skorheim, borgarstjóri.

Málið hevur verið drúgt, og hevur seinkað víðari menningini á Biskupstorgi, sigur kommunan.

Hølini, sum Klaksvíkar kommuna ikki sjálv skal brúka, ætlar kommunan at leiga út til vinnuligt virksemi.